Sardus in su mundu: cumenzat sa "Summer School" po is fillus de is disterraus

(IlMinuto) - Casteddu, 10 de su mes''e làmpadas - Sa Regioni Sardigna oberrit is portas a is sardus giòvanus in su mundu. In su mes''e cabudanni chi benit at a cumenzai, difatis, sa "Summer School", unu cursu - si ligit in d'una nota de su situ uficiali - "destinau a is giòvanus parentis de is sardus disterraus, cun s'iscopu de dd'imparai is cumpeténzias e is istrumentus útilis in su campu de s'organizazioni de is atividadis culturalis de fai in is Círculus 'e totu".
Is lezionis s'ant a tennu in Casteddu de su 16 a su 30 de su mes''e cabudanni. Ant a participai 15 piciocus tra is 18 e is 26 annus.
Is dimandas po podi participai ant a depi arribbai inturu su 21 de su mes''e làmpadas in sa sedi de s'Assessorau regionali de su "Lavoro" (bia XXVIII febbraio 5, Casteddu).

Ligi su bandu: http://www.sardegnamigranti.it/documenti/25_38_20100604161437.pdf