Sport: unu domínigu in bicicreta cun s'assóziu Okra

(IlMinuto) - Casteddu, 2 de su mes''e làmpadas - Passai una diri in bicicreta po iscobèrriri is satus de su Campidanu de Casteddu tra campus de trigu, matas de obia e bíngias. Est custu s'imbidu chi s'assóziu Okra fait a is stimadoris de sa bicicreta po domínigu chi benit.
Is curridoris s'ant a atobiai a is 10.00 a fac''e is iscolas médias de bia Dante. "Is su caminu - aclarant is aprontadoris - eus a passai acanta acanta de su Staini Saliu (logu de impasàda po s'ierru de sa gentarrúbia, de is filipas e de is zurrulìus péis lòngus) e sighendi, eus a arribbai finzas a sa cresiedda de Santa Maria de Sibiola de Serdiana. A pustis de un'impasàdedda, eus a partiri un'àtera borta po andai in su pinedu de San Gemiliano aundi at essi cumbidau unu 'pasta party' cun malloreddus, àterus cundhiméntus e atastus".