Traballu: po sa Sardigna record nazionali de disimpreu (16,1 po centu)

(IlMinuto) - Casteddu, 28 de su mes''e làmpadas - Sa Sardigna si cunfirmat a su primu postu in sa classífica nazionali po ausenzia de traballu. Cun su 16,1 po centu de su tassu de disimpreu in su primu trimestri de su 2010 (datus Istat) s'Ísula cunfirmat custa primazía nazionali meda mala, cun d'unu crescimentu de su 0,7 po centu si castiaus a is ùltimus mesis de su 2009.
In is primus tres mesis de su 2010 su nùmeru de is personas chi circant traballu est aumentau de 8milla unidadis, in su mantessi períodu est puru cresciu su nùmeru de is ocupaus (+11milla).
Custa sa spiegazioni donada de su segundu nùmeru de "Congiuntura Lavoro Sardegna", su periódicu de s'"Agenzia Regionale per il Lavoro": "In sustànzia - si ligit in s'anàlisi congiunturali de su mercau de su traballu in Sardigna - in s'ùltimu trimestri est acontéssiu ca si funt torradas a presentai in su mercau de su traballu pagu prus de 20milla personas e, de custas, su 60 po centu est arrennesciu a agatai unu traballu, cussu chi abarrat, est a nai su 40 po centu, est andau a ingrussai is giualis de su disimpreu".