"Tutti a teatro tranne i tagli": sàbudu in Casteddu àtera manifestazioni de is traballantis de su Liricu

(IlMinuto) - Casteddu, 3 de su mes''e làmpadas -"Unu stadu senz''e arti iat a acabbai de si poniri dimandas e de fai bisus. No iaus a tenni interessamentu po su passau e nemmancu curiosidadi po su tempus benidori". Est cantu pensant is promotoris de sa manifestazioni "Tutti a teatro tranne i tagli 2", in programma sàbudu chi benit in Casteddu. Una manifestazioni-acumpagiamentu fatta de música, teatru, danza e aparizaméntus contra a is taglius prevìdius de su Decretu po sa riforma de is Fondazionis liricu-sinfonicas. Po sa manifestazioni casi 200 personas ant giai addiriu in su social network Facebook.
A is 10.00, cun bessida de su Teatru Lirico, at a cumenzai una parada de festa in fiba indiana chi at a passai in is bias de sa "citadi de is traballantis de su Teatru". In su merì, de is 17.00 a is 23.00, sa genti at a podi biri a gratis is "ispetàculus de protesta" aprontaus in su foyer de sa pratea e de is lògias e in is prazas a fac''e is intradas de su Teatru.