Universidadi de Casteddu: CdA aprovat s'aumentu de is pagamentas po is iscrizionis. Uxs: "su Retori fait cassa cun su dinai de is istudiantis"

(IlMinuto) - Casteddu, 22 de su mes''e làmpadas - "Nonostanti sa mancànzia de serbízius su primu punsu est fai cassa cun su dinai de is istudiantis, evitendi de ndi liai is isperdízius chi ddoi funt cun craresa in s'Ateneu". Cun custus fueddus su grupu universitariu Uxs, giudicat sa decisioni de su Consillu de Amministrazioni de s'Universidadi de Casteddu de aumentai is tassas.
"Nos - acrarat su gruppu in d'una nota - no si fadeus pigai in giru. Su Retori narat de bolli modificai su regolamentu po agiudai su méritu, fadendi finta de no biri is dificultadis chi tenint is istudiantis a abarrai in cursu, dificultadis nàscias po mori de s'ausenzia de serbízius  de s'Universidadi sua".
Sa proposta de mudífica de su regolamentu de is tassas - fatta de su Retori de s'Universidadi de Casteddu Giovanni Melis - esti stetia aprovada de su CdA su 26 de su maju passau cun su votu contràriu de is consilleris Espa, Secci, Senis, Loi e Quarantiello.