Universidadi. Petizioni on line: "Cun su Ddl Gelmini sa cultura est a serbítziu de su profitu"

(IlMinuto) - Casteddu, 1 de su mes''e làmpadas - Lotai contra a "sa morti de s'Universidadi Prúbbica". Est custu s'iscopu de sa petizioni online promòvia de su Cordinamentu de is istudiantis de s'Universidadi de Casteddu. Su documentu - chi podit essi lígiu e firmau a s'indirizu http://www.gotosign.co.uk/index.php/protestaunica - at arregotu prus de 100 firmas in pagus oras.
"Su Ddl 1905 propostu de su Ministru Gelmini - si ligit in sa petizioni - sighit s'òpera de 'elitirizzazioni' de s'imparu Prúbbicu, andendi contra a su modellu de Universidadi 'generalista' e ponendi sa cultura asuta de sa lógica de su profitu".
Sa petizioni narat no a s'intrada de is privaus in is consillus de amministrazioni, a su tàgliu de su dinai e a s'unioni de is ateneus.
"Cun custa petizioni - si ligit in su documentu - si pedit ca sa mobilitazioni andit abbia de sa mancànzia de aprou de su Manifestu de is Istúdius, de parti de is Facultadis e de su Senau académicu. No bastat a lotai cun is fueddus contra a custas decisionis: s'imparu prúbbicu est arribbendi a unu puntu senz''e torrada e no si podit abarrai a castiai".