"Conservatoria" de is costeras: boom de sa petizioni contra a sa "bogadura" de s'Agenzia

(IlMinuto) - Casteddu, 6 de su mes''e argiòlas - 546 firmas in pagu prus de 20 oras de sa pubblicazioni. Est custu su bilànciu de sa petizioni on line contra a sa "bogadura" de sa Conservatoria de is Costeras de sa manuvra finanziaria aprovada su primu de su mes''e argiòlas de sa Giunta regionali.
Sa Conservatoria - acrarat sa petizioni - "traballat in su territoriu de is costeras sadras, assegurendi sa tutela de su patrimóniu naturali e de cussu umanu, atressu azionis de tutela, recúperu e sa gestioni fatta impari".
A oi is personas chi agiudant in s'Agenzia (totu genti istudiada) funt traballendi a sa creazioni de unu centru de proa po su turismu sostenibbili in s'ísula de S'Asinàra, a su fàbbricu de unu eco-albergu in su Surcis, a su recúperu de su patrimóniu istoricu de is turris chi s'agatant in is costeras e a numerosus progetus po sa tutela de is  spézias chi bivint in su mari.
Acanta s'isvilupu de is progetus sa Conservatoria tenit frimmu s'obbietivu po s'iscopu chi dd'at bia nasciri: acastiai a is costeras sadras de sa genti chi bollit fai afaris pagu bellus. "Est importanti - precisat su documentu - permítiri ca una realaidadi de importu comenti custa sigat a operai in d'unu territorio, comenti cussu sadru, medas bortas ogetu de afaris fattus a dannu de sa costera e de chini ddoi bivit".