Costa (Cgil): "Su disimpreu po is giòvanus a su 44,7 po centu. Necessàriu unu pranu istraordinàriu po su traballu"

(IlMinuto) - Casteddu, 15 de su mes''e argiòlas - Sa Giunta regionali depit tenni cantu primu "unu pranu istraordinàriu po cuntrastai su disimpreu, prusatotu cussu de is giòvanus, lompiu a su 44,7 po centu". Est cantu afirmat su segretàriu regionali de sa Cgil Sardigna, Enzo Costa, cummentendi in d'una nota de imprenta s'acórdiu tra sindacaus cunfederalis e esecutivu regionali de su 4 de su mes''e làmpadas.
"A sa Giunta - precisat Costa - pedeus chi no bengant tocadas is risorsas po su traballu, po s'istruzioni e po sa sanidadi. In custu momentu de crisi est necessàriu favorèssiri debressi unu beru cambiamentu in is políticas e in s'azioni de guvernu, sèmpiri prus necessàriu po torrai a fai bivi s'economia de sa Sardigna, donai alientu a s'isvilupu, prusatotu creai oportunidadis de traballu po is giòvanus e is categorias prus débbilis".