"Creuza de Ma": Carluforti arregordat De Andrè cun cuatru diris de cínema e de música
(IlMinuto) – Casteddu, 7 de su mes''e argiòlas - Puru ocannu Carluforti donat su contribbutu suu po onorai Fabrizio De Andrè. Sa citadina arregordat is nàscidas liguris de su cantautori Fabrizio De André cun sa cuarta edizioni de su Festival "Creuza de Ma". Cun d'un'antízipu de duus mesis si castiaus a is àterus annus, sa fórmula in sa sustànzia abarrat uguali: cuatru diris a s'insigna de su cínema e de sa música chi s'ant a tenni de su 15 a su 18 de su mes''e argiòlas.
Su programma est comenti sèmpiri arricu de eventus. Tra is protagonistas prus importantis ddoi ant essi: Vittorio Taviani, Caterina Murino, Rocco Papaleo, Rita Marcotulli e Javier Girotto.
Dógnia merì de festa s'at a oberri a is 20.30 in is aposentus de su Cínema Mutua. Apuntamentu fissu de custas cuatru diris at essi difatis "S'onori a is Maistus", unu ciclu de proiezionis dedicau a is atóbius artisticus prus arrennescius tra registas e musicistas. Po s'edizioni 2010 - si ligit in d'una nota - "'Creuza de Ma' portat in su schermu su cínema de is fradis Paolo e Vittorio Taviani cun is músicas de Nicola Piovani", un'unioni chi at portau a sa produzioni de otu film. Si cumenzat gióbia 15 cun "La notte di San Lorenzo" (1982). Tra is eventus "clou" de sa manifestada culturali de sa citadi dd'at essi sa proiezioni de su film mudu "Nanà" chi, in sa guarnícia de su palcu allestiu in Porta Leone, at essi acumpangiau de su vivu de is músicas de Rita Marcotulli. Su festival, bideau de s'assóziu culturali Backstage, est dirigiu de su regista Gianfranco Cabiddu.
Su programma est comenti sèmpiri arricu de eventus. Tra is protagonistas prus importantis ddoi ant essi: Vittorio Taviani, Caterina Murino, Rocco Papaleo, Rita Marcotulli e Javier Girotto.
Dógnia merì de festa s'at a oberri a is 20.30 in is aposentus de su Cínema Mutua. Apuntamentu fissu de custas cuatru diris at essi difatis "S'onori a is Maistus", unu ciclu de proiezionis dedicau a is atóbius artisticus prus arrennescius tra registas e musicistas. Po s'edizioni 2010 - si ligit in d'una nota - "'Creuza de Ma' portat in su schermu su cínema de is fradis Paolo e Vittorio Taviani cun is músicas de Nicola Piovani", un'unioni chi at portau a sa produzioni de otu film. Si cumenzat gióbia 15 cun "La notte di San Lorenzo" (1982). Tra is eventus "clou" de sa manifestada culturali de sa citadi dd'at essi sa proiezioni de su film mudu "Nanà" chi, in sa guarnícia de su palcu allestiu in Porta Leone, at essi acumpangiau de su vivu de is músicas de Rita Marcotulli. Su festival, bideau de s'assóziu culturali Backstage, est dirigiu de su regista Gianfranco Cabiddu.
© RIPRODUZIONE RISERVATA