Culurgionis in festa. In Sàdili s'afestat sa Sagra de is Culurgionis

(IlMinuto) - Casteddu, 21 de su mes''e argiòlas - Torrat in Sàdili sa Sagra de is Culurgionis. S'apuntamentu cun sa " festa de is culurgionis" est po su 31 de su mes''e argiòlas e po su primu de su mes''e austu in praza Venezia. Duas diris de ballus e de cantus, de mostras mercau - aundi artesanus meda bravus ant a traballai ingunis, ferru, linna e arrobba - e, de seguru, de cos''e papai.
Is culurgionis - si ligit in d'una nota - "funt unu pratu fattu de ingredientis simplis: unu pillu de scèti e unu preningiu fattu cun patata, e, a segunda de sa stagioni, pecorinu o casu de craba friscu sinnuncas olluseu, menta (o allu), píbiri, casu 'e fitas".
In sa bidda in provìnzia de Casteddu custu pratu benit fattu in tres ocasionis. In su mes''e austu comenti ringraziamentu po s'annada acabbada de pagu, po propiziai cussa de su tempus benidori e comenti mandiari-protezioni de is possibbilis lutus. In custu mesi is culurgionis benint fattus cun su casu (culurgionis de casu). In su mes''e totussantus, in veci, benint fattus cun s'ollu 'seu (culurgionis de olluseu), de ofèrriri e consumai in ammentu de is mortus, mentris in su mes''e fiàrgiu, in ocasioni de su Carnovali, su preningiu benit cundiu cun ollu 'e procu (culurgionis de ollu 'e procu).