Deliperi scririt a Travaglio: "No fazast s'ispetàculu tuu in s'Anfiteatru romanu. Cussu 'linnàrgiu' est abbusivu"
(IlMinuto) – Casteddu, 8 de su mes''e argiòlas - Su "linnàrgiu" chi ammantat s'Anfiteatru romanu de Casteddu est "abbusivu" e "de annus no tenit su permissu paesagisticu".
Est cantu arregordat Stefano Deliperi ("Gruppo di intervento giuridico") in d'una lítera oberta a Marco Travaglio. Su rapresentanti de s'assóziu ambientalista imbidat a su giornalista a "fai in àteru logu" s'ispetàculu "Promemoria – 15 anni di storia d’Italia ai confini della realtà", in programma po su 26 de su mes''e austu própriu in s'Anfiteatru casteddaiu.
"Ses - narat Deliperi - una de is pagus boxis in Itàlia chi sighit cun meda curàgiu e determinu a denunciai pubblicamenti sa cumédia de s'afari pagu puliu chi si presentat dógnia diri in cust'Itàlia nostra".
"T'arregordu - scririt su rapresentanti de su 'Gruppo di intervento giuridico' - cun custa lítera oberta ca su linnàrgiu, cussu ammanizamentu grai in linna e metallu po is ispetàculus, est abbusivu. De annus no tenit su permissu paesagisticu. Depiat essi una cosa de pagu tempus (...) e in veci est ingunis de casi 10 annus a cuai e impestai su monumentu romanu prus importanti de sa Sardigna, unu de is tres anfiteatrus romanus scavaus in s'arroca chi ancora bivint".
"Certu - concluit Deliperi - ti pozu donai totus is documentus de s'acuntéssia. Est un'acuntéssia pitichedda e provinziali, ma finzas a unu certu puntu.
Fai s'ispetàculu tuu in d'àteru logu (o, assumancu, unu fueddu po cust'arragu) iat essi meda importanti".
Est cantu arregordat Stefano Deliperi ("Gruppo di intervento giuridico") in d'una lítera oberta a Marco Travaglio. Su rapresentanti de s'assóziu ambientalista imbidat a su giornalista a "fai in àteru logu" s'ispetàculu "Promemoria – 15 anni di storia d’Italia ai confini della realtà", in programma po su 26 de su mes''e austu própriu in s'Anfiteatru casteddaiu.
"Ses - narat Deliperi - una de is pagus boxis in Itàlia chi sighit cun meda curàgiu e determinu a denunciai pubblicamenti sa cumédia de s'afari pagu puliu chi si presentat dógnia diri in cust'Itàlia nostra".
"T'arregordu - scririt su rapresentanti de su 'Gruppo di intervento giuridico' - cun custa lítera oberta ca su linnàrgiu, cussu ammanizamentu grai in linna e metallu po is ispetàculus, est abbusivu. De annus no tenit su permissu paesagisticu. Depiat essi una cosa de pagu tempus (...) e in veci est ingunis de casi 10 annus a cuai e impestai su monumentu romanu prus importanti de sa Sardigna, unu de is tres anfiteatrus romanus scavaus in s'arroca chi ancora bivint".
"Certu - concluit Deliperi - ti pozu donai totus is documentus de s'acuntéssia. Est un'acuntéssia pitichedda e provinziali, ma finzas a unu certu puntu.
Fai s'ispetàculu tuu in d'àteru logu (o, assumancu, unu fueddu po cust'arragu) iat essi meda importanti".
© RIPRODUZIONE RISERVATA