"Isfratu" po s'Assóziu Sadru po s'Atuamentu de sa Riforma psichiatrica. Trincas est pronta a fai recursu a su Tar

(IlMinuto) – Casteddu, 7 de su mes''e argiòlas - S'Assóziu Sadru po s'Atuamentu de sa Riforma psichiatrica est sugetu a un'"atacu nou". Ddu denunciat cun d'una nota in Facebook sa presidenti de s'Assóziu Gisella Trincas.
Su regolamentu po sa cuncessioni de is aposentus de sa Asl 8 a is assózius de volontariau escluit s'assóziu dirigiu de Trincas, no pighendi in cunsedériu cantu decidiu calencun'annu fait de sa "gestioni Gumirato".
"Cun custu regolamentu - precisat Trincas - ndi benint liaus a s'assóziu is aposentus de sa sedi legali chi ocupat de su 2007, in "comodato d'uso" registrada comenti narat sa lei, aintru de s'ex ispidali psichiatricu e aundi, dógnia diri, si fait un'atividadi de grandu agiudu po is familiaris e is maladidius chi bivint s'esperiénzia de sa sufarénzia mentali".
S'Assóziu est prontu a portai s'acuntéssia in tribbunali. "Seus verifichendi cun s'abbogau nostru - concluit Trincas - si dd'est su tanti de fai recursu a su Tar".