Is "Milla Emozionis" de sa Marmidda: música, teatru e giogus de sa tradizioni in sa III edizioni de sa manifestada

(IlMinuto) – Casteddu, 8 de su mes''e argiòlas - S'at a oberri su 17 de su mes''e argiòlas in Bàini cun is linguàgius nous de su progetu "MentalTraffic" s'edizioni 2010 de "Marmilla Mille Emozioni". Baradìle, Pompu, Bàini, Sini, Simala, Nureci ant essi teatru de su Festival Internazionali d'arti in istrada "Sogni a Spazi Aperti", dirigiu de sa sociedadi coperativa Theatre en vol.
No scéti teatru de istrada. Su programma difatis est arricu de apuntamentus musicalis, tra custus - de su 13 a su 15 de su mes''e austu - su Mama Blues Festival de Nureci.
S'iscopu de sa manifestada - si ligit in d'una nota fatta connosci de is aprontadoris - "est cussu de interessai sa popolazioni cun ispetàculus e e eventus culturalis de livellu meda artu e, contemporaneamenti, creai un'ocasioni po fai connosci a promovi su [...] territoriu". Guida de s'istadi culturali marmiddesa de su 2010 at essi sa luxi, bia comenti un'abbréschida noa, futuru, ma puru possibbilidadi de acrescimentu. Sa cosa bollit essi un'istrumentu profetosu po s'isvilupu e s'illoimentu de totu su territoriu. "Mille Emozioni" 2010 s'at a serrai su 12 de su mes''e cabudànni cun d'un'apuntamentu únicu in sa genia sua: "L'Olimpiade del gioco tradizionale della Sardegna", chi at essi aghillia in d'unu de is centrus istoricus de sa Marmidda.