"Occhi du MòPhotocontest": de s'8 de su mes''e austu in Carluforti is protagonistas de sa fotogràfia mundialli

(IlMinuto) - Casteddu, 30 de su mes''e argiòlas - Tres diris totus dedicadas a sa fotogràfia tra mostras, street gallery, cuferénzias e workshop. Ant essi custus is ingredientis de sa segunda edizioni de su festival "Occhi du MòPhotocontest", chi s'at a tenni in Carluforti de s'8 a su 10 de su mes''e austu.
Comenti giai fattu po s'edizioni de su 2009, Denis Curti, diretori de sa sedi milanesa de "Contrasto", tra is prus importantis agenzias fotograficas in su mundu, e Salvatore Ligios, maistu de fotogràfia de s'"Accademia di Belle Arti" de Tàtari, ant essi tra is imbidaus d'onori de sa manifestada.
Tra is nòminis prus importantis ddoi est puru cussu de sa fotografa Monica Bulaj, chi - si ligit in d'una nota - "pubblicat reportage chi ammostant is lacanas de is fidis, is pópulus bandhuleris e iseredaus". E ancora, Alessandra Menesini, curadora e críticu d'arti, e Ercole Bartoli, Responsàbbili de sa "Fondazione per l'arte Bartoli" - Felter.
Sa manifestada culturali, apógiada de su Comunu e de sa Pro Loco de Carluforti, at essi fatta cun su contribbutu de sa Provìnzia de Crabònia Igrèsias.