Presonis: Caligaris (Sdr): "Alfano no at mantenniu s'impignu de pigai 2milla agentis. In Buoncammino funt grais is mancànzias de dipendetis"

(IlMinuto) - Casteddu, 1 de su mes''e argiòlas - "S'impignu pigau de su Ministru Alfano po s'assunzioni de 2milla agentis in s'ambitu de su pranu de is presonis no esti stetiu mantenniu e nonostanti is dimandas no funti stetius assignaus àterus agentis a s'Istitutu de Buoncammino". Est cantu denunciat cun d'una nota Maria Grazia Caligaris, presidenti de s'Assóziu Socialismo Diritti e Riforme.
Ariseru s'ausenzia de personali at impidiu a medas agentis de assistiri a sa missa in ocasioni de sa festa de San Basilide Martire chi est su patronu de cussus 'e totu.
"Su nùmeru meda mannu de presoneris e sa nezessidadi de garentiri is serbízius internus e esternus - acrarat Caligaris - in su presoni casteddaiu ant impidiu a medas Agentis de assistiri a sa ceremónia religiosa", chi s'est tenta in sa crésia de su cunventu de is Capucinus.