Presonis. Schirru (Pd): "In Isili ddoi est meda genti, sa cundizioni est grai meda"

(IlMinuto) - Casteddu, 14 de su mes''e argiòlas - Is 243 presoneris de Isili bivint in d'una cundizioni grai po mori ca ddoi est tropu genti. S'istrutura est arruendi e ddoi funt cundizionis de traballu, po su personali médicu e is presonis, meda grais.
Est cantu denunciat cun d'una nota Amalia Schirru, parlamentari de su Pd, a pustis de una bisita in su Presoni fatta in is diris passadas.
"Tocat a precisai ca in Isili - acrarat sa rapresentanti democràtica - is internaus funt 243 (totus óminis) mentris sa mannaria de su logu previdit no prus de 192 presoneris. Is cellas funt scéti 26 e tra is personas chi ddoi funt, sa majoria est rapresentada de furesteris. Su 30 po centu casi de is presoneris est drogau".
"Sa chistioni - concluit Schirru - est posta mali meda, po custu apu decidiu de dda portai debressi a s'atenzioni de su Ministru de sa 'Giustizia' cun d'un'interrogazioni".