"Una luce per la dignità": Casteddu cabat in praza po sa libberazioni de is eritreus in cunfinu in su desertu de sa Libia
(IlMinuto) – Casteddu, 12 de su mes''e argiòlas - Pediri sa libberazioni e s'arreconnoscimentu de su diritu de asilu po is 250 eritreus chi funt in su desertu libicu chi arriscant de essi impatriaus a sa marolla. Est custu s'obbietivu de "Una luce per la dignità", mobilitazioni in programma custumerì in Casteddu (19.00, praza Palazzo). Is manifestantis s'ant a agatai a is 19.00 in praza Palazzo cun in is manus sa candeba "in símbolu de sa luxi po sa dignidadi".
"Pedeus - si ligit in d'una nota - de frimmai is trummentus chi sa pulizia libica donat a is disterraus e de torrai a esaminai is acórdius Italia-Libia e ancora de frimmai sa política de is 'arrafudus'".
"Pedeus - sighint is aprontadoris - ca is disterraus eritreus chi immoi funt presoneris in Libia e chi arriscant de essi mandaus a sa marolla in Eritrea,no siant trumentaus e pozant papai e tenni àcua e curas médicas. Est necessàriu ca custus críminis bengant a pillu. Est s'única possibbilidadi chi teneus po salvai custas vidas, po frimmai is 'arrafudus', po lotai po is diritus e is libbertadis de totus, po su diritu de dognunu de nos de bíviri in d'unu logu aundi siant garentius is diritus umanus".
Custus is fattus denunciaus de is aprontadoris de sa cosa. 250 eritreus funti stetius trasferius de su presoni de Misratah, in cussu de Sabha e a pustis in cussu de Brak aundi s'agantant, postus mali meda, in custu momentu. Is presoneris timint de torrai a sa marolla in sa pàtria insoru, aundi arriscant de essi torturaus, castigaus cun is trummentus riservaus a chini at "traigiu" su logu suu o at arrafudau de fai su militari.
Ant addiliu a s'eventu Amnesty International, ActionAid, Save the Children, Spazio 058, Amici di Viviana, Sogno Clown, Co.Sa.S., Arc, Rete Radiè Resch, Cagliari Social Forum e Mani Tese.
"Pedeus - si ligit in d'una nota - de frimmai is trummentus chi sa pulizia libica donat a is disterraus e de torrai a esaminai is acórdius Italia-Libia e ancora de frimmai sa política de is 'arrafudus'".
"Pedeus - sighint is aprontadoris - ca is disterraus eritreus chi immoi funt presoneris in Libia e chi arriscant de essi mandaus a sa marolla in Eritrea,no siant trumentaus e pozant papai e tenni àcua e curas médicas. Est necessàriu ca custus críminis bengant a pillu. Est s'única possibbilidadi chi teneus po salvai custas vidas, po frimmai is 'arrafudus', po lotai po is diritus e is libbertadis de totus, po su diritu de dognunu de nos de bíviri in d'unu logu aundi siant garentius is diritus umanus".
Custus is fattus denunciaus de is aprontadoris de sa cosa. 250 eritreus funti stetius trasferius de su presoni de Misratah, in cussu de Sabha e a pustis in cussu de Brak aundi s'agantant, postus mali meda, in custu momentu. Is presoneris timint de torrai a sa marolla in sa pàtria insoru, aundi arriscant de essi torturaus, castigaus cun is trummentus riservaus a chini at "traigiu" su logu suu o at arrafudau de fai su militari.
Ant addiliu a s'eventu Amnesty International, ActionAid, Save the Children, Spazio 058, Amici di Viviana, Sogno Clown, Co.Sa.S., Arc, Rete Radiè Resch, Cagliari Social Forum e Mani Tese.
© RIPRODUZIONE RISERVATA