Vinyls: 151 diris in S'Asinàra. "Cun nos turismu a totu pompa"

(IlMinuto) – Casteddu - 26 de su mes''e argiòlas - "Seus deventaus un'atraimentu turisticu". Est cantu scrirint in su blog is traballantis de sa Vinyls chi de 151 diris ant ocupau s'ex presoni de S'Asinàra, "s'ísula de is cassintegraus".
"Seus dolenziosus - si podit ligiri in su situ - si calencunu creit ca sa protesta nostra pozat impediri s'atividadi insoru in su cumpartu turisticu. Est una cumbinzioni sbagliada. Ddu dimustrat su fattu ca scéti sa presénzia nostra at fattu aumentai in cust'ísula su nùmeru de is bisitadoris in is mesis de marzu, arbili, maju, làmpadas e argiòlas, difatis is nùmerus funt prus artus de cussus de is annus passaus".
"Nos - acrarant - seus innoi po interessai s'opinioni púbblica e migliaja de personas ant arrespustu in modu positivu".