Festival "Terras Sorris/Terre Sorelle": in Jaròi s'acatu si fait música e poesia

(IlMinuto) - Casteddu, 9 de su mes''e austu - At a cumenzai su 18 de su mes''e austu sa primu edizioni de su Festival “Terras Sorris/Terre Sorelle - l’Accoglienza si fa Musica e Poesia”. In programma música e ballus, atóbius de poesia e arregionamentus asuba de is elementus de sa música, de s' istória e de sa sociedadi chi unint sa Sardigna a sa Catalogna, a sa Córsica e a sa Spagna. Po s'ocasioni ant essi presentis artistas chi benint de is "terras sorris" e naturalmenti de s'Ísula nostra 'e totu. Sa festa est aprontada de su "Coro di Santa Barbara" e de s'Ammministrazioni comunali de  Jaròi, cun s'agiudu de su "Consorzio Turistico Sa Perda ‘e Iddocca".
S'iscopu de su progetu de Gisella Vacca - si ligit in su comunicau de imprenta - "est de seguru s'ammesturu artísticu e culturali, canali importanti po s'isvilupu de is raportus tra is cristianus". Atóbius e ispetaculus s'ant a sighiri de is 18.00 a is 23.00 in is ispazius de su cunventu béciu. Restaurau in su cursu de is úrtimus annus, su cunventu at essi inaugurau e obertu po sa primu borta a su púbblicu própriu in ocasioni de sa festa.