Língua sadra in is iscolas: obertu su bandu po podi presentai is progetus-pilotu

(IlMinuto) - Casteddu, 4 de su mes''e austu - Cumenzat sa prova de su sadru in is iscolas de s'Ísula. Esti stetiu difatis obertu su bandu po presentai sa dimanda po fai progetus in língua sadra de si tenni intru s'oràriu de iscola in is "istitutus primaxus e segundàrius de primu e de segundhu gradu". Ddu comunicat cun d'una nota s'Assessorau de sa "Pubblica istruzione" de sa Regioni Sardigna.
"Ant essi finanziaus - si ligit in su comunicau - is progetus-pilotu in gradu no scéti de promòviri sa connoscénzia de sa língua sadra in is iscolas, ma puru de agiudai, candu est necessàriu, s'insertamentu de figuras professionalis de foras chi siant adatas a s'imparamentu de sa mantessi língua".
S'abbisu púbblicu podit essi consultau in su giassu istituzionali de sa Regioni Sardigna.