"No tocai is matas de praza Garibaldi. Gióbia in Casteddu sit in po salvai is ficus chi faint "tropu umbra"
(IlMinuto) - Casteddu, 3 de su mes''e austu - "Salvai is 30 ficus de praza Garibaldi de sa morti e de su 'trasferimentu'". Cun custu obbietivu esti stetia aprontada una manifestada noa po salvai is matas de unu de is logus de agatu casteddaiu. Sa mobilitada, promòvia de citadinus e assózius, at giai arragortu diversas amiganzias in Facebook. S'apuntamentu est po gióbia a is 19.00, in praza Garibaldi.
Is arraxonis de sa protesta funt giai intradas in su Consillu comunali de Casteddu, cun s'interrogazioni presentada de is rapresentantis de sa sinistra (primu a ai firmau Claudia Zuncheddu de is Rossomori).
Segundhu Zuncheddu Casteddu no si podit permiti una segundha "praza Maxia".
"Progetu - acrarat sa presidenti de is Rossomori - costau a su Comunu de Casteddu sa bellesa de 1.300.000 eurus pagu prus, dinai púbblicu spendiu po aciumentai e strupiai una praza chi tempus fait furiat unu logu de atopu e de agatu po is residentis, sacrifichendi is matas chi dda fadiant prus bella".
"Un'àteru casu chi arregordat praza Maxia - precisat - iat a podi nasci própriu po mori de is traballus previdius de su progetu de restyling de sa praza Garibaldi".
Traballus de 'cura' istraordinaria po 1.200.000 eurus programmaus de s'amministrazioni comunali.
Is traballus chi ant a depi essi fattus - concluit sa sardista de sinistra - ant essi meda meda malus po su sutaterra e ant a podi duncas scalabrai diaderus su statu de saludi de is Ficus Retusa chi ant a depi essi bogaus de sa praza. Matas chi, segundhu is indicus de s'agronomu Claudio Papoff a s'amministrazioni comunali, iant a fai "tropu umbra".
Is arraxonis de sa protesta funt giai intradas in su Consillu comunali de Casteddu, cun s'interrogazioni presentada de is rapresentantis de sa sinistra (primu a ai firmau Claudia Zuncheddu de is Rossomori).
Segundhu Zuncheddu Casteddu no si podit permiti una segundha "praza Maxia".
"Progetu - acrarat sa presidenti de is Rossomori - costau a su Comunu de Casteddu sa bellesa de 1.300.000 eurus pagu prus, dinai púbblicu spendiu po aciumentai e strupiai una praza chi tempus fait furiat unu logu de atopu e de agatu po is residentis, sacrifichendi is matas chi dda fadiant prus bella".
"Un'àteru casu chi arregordat praza Maxia - precisat - iat a podi nasci própriu po mori de is traballus previdius de su progetu de restyling de sa praza Garibaldi".
Traballus de 'cura' istraordinaria po 1.200.000 eurus programmaus de s'amministrazioni comunali.
Is traballus chi ant a depi essi fattus - concluit sa sardista de sinistra - ant essi meda meda malus po su sutaterra e ant a podi duncas scalabrai diaderus su statu de saludi de is Ficus Retusa chi ant a depi essi bogaus de sa praza. Matas chi, segundhu is indicus de s'agronomu Claudio Papoff a s'amministrazioni comunali, iant a fai "tropu umbra".
© RIPRODUZIONE RISERVATA