Partit de S'Asinàra "Pensieri e parole", su Festival chi acozat a is traballantis de sa Vinyls

(IlMinuto) - Casteddu, 2 mes''e austu - A pustis de "Creuza de Ma" in Carluforti, "Una notte in Italia" in Tavolara, "La valigia dell'attore" in Sa Madalèna, a partiri de oi su Festival "Isole del cinema" at a arribbai in S'Asinàra cun "Pensieri e parole", su progetu culturali chi "acozat a sa lota de is taballantis de sa Vinyls". Ant essi presentaus film, documentarius, líbburus, dd'ant essi atóbius, dibbàtidus e cuncertus e s'at a ammostai meda atenzioni a su tema de is ammesturus tra is diversus "media".
No est totu, poita - comenti si ligit in d'una nota - "s'iscera de S'Asinàra comenti logu po fai su Festival [...] bollit essi unu contribbutu po is sadrus, po si torrai a pigai s'ísula". Ancora oi, difatis, a pustis de dexi annus de sa serrada de su presoni, is sadrus 'e totu bint s'Asinàra comenti unu logu aundi est difícili arribbai.
Iscopu de su Festival est duncas invèrtiri custu modu de pensai a s'ísula cun progetus de balori, comenti sa presentada de su film "La bocca del lupo" de Pietro Marcello e de su film "Le quattro volte" de Michelangelo Frammartino", in programma in is aposentus de s'ex presoni de seguresa Fornelli.
Progetus culturalis, custus, chi bollint creai unu raportu nou cun d'unu logu chi, si puru esti stetiu iscancellau, s'ammostat arricu de arregodus, istórias e arrefigradas.