S'Asinàra. Tiana (Legambiente): "Grazias a su Parcu turismu record in su 2009, ma su Ministeru sighit cun is tàglius"

5 Austu 2010
(IlMinuto) - Casteddu, 5 de su mes''e austu - "Sa nàscida de su Parcu e de s'Area marina assístia de S'Asinàra ant rapresentau e rapresentant un'istraordinàriu motori de isvilupu sostenibili po su territoriu e is comunidadis de su logu".
Est cantu at afirmau Vincenzo Tiana, presidenti de Legambiente Sardigna, in d'unu dibbàtidu aprontau ariseru in Pòrtu Turre po sa frimmada de Goletta Verde.
"Cun dolu, perou - at acrarau Tiana - s'impiticamentu de is risorsas fattu de borta in borta de su Ministeru po s'"Ambiente" e s'agiudu mai tentu de is areas assístias, no permítit a S'Asinàra de espressai beni is potenzialidadis suas. Si puru su Parcu e s'Amp de S'Asinàra ant tentu su méritu nódinu de ai obertu a is citadinus un'ísula de bellesa istraordinària e arrica de una biodivesidadi chi primu no podiat biri".
In su 2009 S'Asinàra esti stetia bisitada de 60milla personas e, scéti in s'istadi passada, s'Area marina assístia at biu s'arribbu de 1.200 barcas, su 90 po centu de custas furiant barcas a vela.
© RIPRODUZIONE RISERVATA
Tags