'Il grande teatro dei piccoli': 32 ispetàculus in s'XI editzioni de su Festivali internatzionali aprontau de Is Mascareddas

(IlMinuto) – Casteddu, 27 de su mes''e cabudanni - Cussa chi andat de su 30 de su mes''e cabudanni a su 3 de su mes''e ledàminis at essi s'unixesima editzioni de su "Grande teatro dei piccoli", una fibera de ispetàculus dedicaus a is pipius e a is famílias insuru. Puru ocannu, is Mascareddes presentat una no stop de 32 ispetàculus po noi cumpangias chi benint de s'Itàlia, de sa Spagna e de sa Francia. Totu custu in cuatru merì spassiosus fillus de su Teatru de animatzioni. Is ispetàculus s'ant a tenni in su Centru s'Arti Comunali Exmà a cumentzai de is 16.00. Su festival - si ligit in d'una nota - "si giogat casi totu a s'ària oberta, ingíriu a cincu collocamentus montaus in su cortili de su Centru d'arti comunali".Su programma est po su prus dedicau a su teatru d'animatzioni e arregordat su spíritu de is happening de buratinàius e mariunetistàs aprontaus de Is Mascareddas in is annus '80 e '90 in is pratzas e in is giardinus púbblicus casteddaius. Is ispetàculus de sa cumpangia teatrali no finint cun s'eventu de su "Grande Teatro dei Piccoli". De su mes''e gennàrgiu a su mes''e arbili sa cosa at a sighiri in Pauli, in is aposentus de Is Mascareddas, su Mo.Mo.Ti.