"Marmilla Mille Emozioni": cun Mechanic World Baradìle si trasformat in bidda-palcu

(IlMinuto) – Casteddu, 2 de su mes''e cabudanni - Diri arrica de emotzionis su 29 de su mes''e austu in Baradìle. Sa biddixedda de sa Marmidda at difatis aghilliu s'ispetàculu Mechanic World e, comenti si ligit in d'una nota de imprenta - "is luxis coloridas, is performance atrativas ant creau unu mundu màgicu". Cun Mechanic World Baradìle est diventau unu palcu mannu, chi at aghilliu is melodias de is istrumentus a arcu traditzionalisContrabbàsciu, viola, violoncellu e fagotus, giogus de luxi e videu intraus in d'unu mundu de gioghitus, arrelógius e ingranagius, músicas e immàginis, acumpangiaus de is arretumbus de is Modular Quartet e de is performance de una dantzadora acrobàtica, ant fattu miríficu s'ispetàculu.
Segunda parti de su progetu Mental Traffic, Mechanic World est una produtzioni de s'Assótziu Spaziomusica fattu de "Marmilla Mille Emozioni". Gratzias a sa diretzioni artistica de Fabrizio Casti una bidda de sa Marmidda chi tenit rítimus trancuillus s'est aici scidada in mesu a unu "mundu mecànicu", aundi, comenti acrarat su cordinadori de s'"Agenzia di sviluppo locale" Due Giare Diego Loi "sa velocidadi de is tempus de oi [...], de su 'tràvigu de sa conca' aundi seus sèmpiri prus aintru, sèmpiri de prus in contestus metropolitanus chi s'agiudanta torrai a cunsiderai su balori de is biddas nostras, de is rítimus prus trancuillus, de sa bellesa de is logus nostrus".