"Marmilla Mille Emozioni": in sa VI editzioni de s'Olimpiade de su giogu traditzionali de sa Sardigna

(IlMinuto) – Casteddu, 8 de su mes''e cabudanni - S'at a tenni su 12 de su mes''e cabudanni in Sini, in Marmidda, sa VI editzioni de s'Olimpiade de su giogu traditzionali de sa Sardigna. Po s'eventu, chi fait parti de sa manifestada "Marmilla Mille Emozioni", ant a participai duxentus tra pipius e piciocus d'edadi tra is 5 e is 18 annus, chi s'ant a spassiai cun 23 giogus de sa traditzioni.
Is giòvanus ant essi spartzius is ses scuadras: is topis; is puddixeddas de àcua; is mraxianis; is pibitziris; is carrogas; e s'abila.

Is scuadras s'ant a misurai in is giogus prus spassiosus de sa traditzioni: su giogu 'e su fusti; s'arcu; is biccus; sa badruffa; sa luna monta; su pencaneddu; su xrìcu; is billias; su pimpirimponi; is cuddeddus de canna; su satiu cun sa funi; is carrucius e sa cadiredda santa.
Una diri arrica puru de mostras e butegas, chi at a finiri cun is ispetàculus de Cricket e de Bhangra (una forma de música e dantza chi at a biri ballarincus de dógnia cabori movendusì in d'unu remolinu de coreogràfias) curaus de sa comunidadi de su stadu indianu de su Punjab.