Meixina: in Ulìana workshop internatzionali asuba de sa genti morta bia

(IlMinuto) – Casteddu, 29 de su mes''e cabudanni - S'at a tenni de su 5 a su 7 de su mes''e ledàminis in is aposentus de su Su Cologone Resort de Ulìana su workshop promòviu de s'Órdini de is Médicus de sa Sardigna chi at essi intitulau "Stati vegetativi: medicina, etica e filosofia a confronto". Iscopu de sa cosa - si ligit in d'una nota - est "cicai de agatai una bia impari" asuba de un'argumentu chi oberrit dúbbius éticus, chistionis legalis, médicas, filosoficas e neurologicas. Imbenteri de su workshop est Luigi Aru, presidenti de s'Óridini de is médicus de Nùgoro e cordinadori de su Centru Istudius Fnomceo. Aru est arrennesciu a aprontai su workshop interessendi unu grupu de espertus internatzionalis. Tra custus: Joseph Fins (Diretori de sa Divisioni de Ética Médica a sa Cornell University de New York), Joseph Giacinto (Diretori de su Centru de riabilitatzioni de sa Harvard medical School), Guy Kahane (Diretori de su centru po sa Neuroetica de s'Universidadi de Oxford), Herman Nys (Professori de meixina legali a Lovaniu), Rosemary Barkett (Chi fait parti de sa Corti de apellu de is Istadus Unius) e Ann Power (chi fait parti de sa Corti europea po is Diritus Umanus).