Movimento Pastori Sardi. Il 19 ottobre nuova marcia a Cagliari. ‘Non chiediamo assistenza o commiserazione. I 15mila euro un diritto’

(IlMinuto) – Casteddu, 27 de su mes''e cabudanni - "19 de su mes''e ledàminis de su 2010 no est scéti una data de arregordai, ma una pomissa de mantèniri".  Serrat cuns custus fueddus una nota pubblicada on line de su "Movimento Pastori Sardi" a sa fin''e de s'assembrea chi s'est tenta cenàbara passau in Tramatza. Su 19 de su mes''e ledàminis is pastoris sardus ant a manifestai torra in Casteddu po pediri s'arrespetu de is promissas fattas de su presidenti de sa Regioni, Ugo Cappellacci, in s'atóbiu de su 14 de su mes''e cabudanni.

"S'Obbietievu primu - acrarat Mps - est e abarrat un'aumentu de su prétziu de su lati, stimau ingíriu a is 80-90 cent".

"Is pastoris no pedint assistu, agiudu o pena - precisat sa nota no bollint s'ammischinaméntu. Pedint de no fai unu traballu po nudda, pedint de no essi prus massacraus de is costus de produtzioni. Is famosus 15milla eurus, chi ant fattu chistionai meda sa genti, funt aprovaus de Bruxelles e spetant de diritu a dógnia aziendha.