Progetu Chernobyl: Paschixedda in Sardigna po 100 pipius bielorussus. Iscritzionis intru su 30 de su mes''e cabudanni

(IlMinuto) – Casteddu, 24 de su mes''e cabudanni - Puru ocannu una centina de pipus bielorussus ant a benni aghillius de is famílias sardas chi addirint a su Progettu "Chernobyl Natale 2010", promòviu de s'assótziu "Cittadini del Mondo" de Casteddu.

Un'apellu de coru - si ligit in d'una nota - "est fattu a is famílias chi po sa primu borta s'ant a bolli acostai a s'esperiéntzia de s'acasàgiu, aici de podi donai sa possibbilidadi a pipus nous de passai unu períodu de bacàntzia po sa saludi in Sardigna".

Su progetu interessat is pipius de is orfanotrofius e cussus chi tenint família. Is bielorussus chi ant a arribbai po sa primu borta in s'Ísula, tenint un'idadi tra is 7 e is 10 annus e is famílias chi ant essi fasias ant a podi sighiri s'esperiéntzia de s'acasàgiu fintzas a su cumprimentu de is 18 annus de is próprius "amigus". Is dimandas ant a podi essi fattas fintzas a su 30 de su mes''e cabudanni in sa sedi de Assótziu "Cittadini del Mondo", in bia Lanusei 29 in Casteddu; gióbia a is 20.00 in is aposentus de sa Salixedda San Carlo Borromeo, in bia San Carlo in Casteddu.