"Respiro dell'arte": de gióbia in Osile sa IV editzioni de su festival de Daniela Barca

(IlMinuto) – Casteddu, 1 de su mes''e cabudanni - De su 2 a su 5 de su mes''e cabudanni su centru istoricu de Osile at a aghilliri sa IV editzioni de "Respiro dell'arte". Su festival, pensau e postu in òpera de Daniela Barca, ghitarrera de su repertóriu no scéti clàssicu, cun s'agiudu de su Comunu de Osile e de sa provìntzia de Tàtari, tenit comenti obbietivu cussu de fai connosci calisisiat forma artistica, fadendi prus atentzioni - si ligit in d'una nota - "a s'avaloramentu e a su recúperu de is traditzionis de su logu" e "fadendi connosci sa cultura sarda in totu is medas formas d'arti suas (música, poesia, pintura, moda) atressu de una mirada noa,  de is creatzionis [...] traditzionalis bias in crai moderna".S'eventu at essi frutu de s'agiudu de artistas de diversas cumpeténtzias de ricerca: de is ballarianus a is eno-grastronomus, de is fotografus a is musicistas-componidoris, de is pintoris a is poetas a is stilistas. Is artistas, chi ancora oi no tenint una parti importanti in su panorama artisticu de su logu ant essi tra is protagonistas de su festival.