Signal: a sa V editzioni su festival casteddaiu dedicau a sa música d'avanguardia

(IlMinuto) – Casteddu, 21 de su mes''e cabudanni - De su 23 de su mes''e cabudanni a su 2 de su mes''e ledàminis 2010 su Centru Comunali d'Arti e Cultura Casteddu San Michele e su Dipartimentu de Architetura de s'Universidadi de is Istudius de Casteddu ant a aghilliri sa V editzioni de su "Festival di musica d'avanguardia e linguaggi collaterali: Signal". S'eventu at essi basau asuba de sa sperimentatzioni, sa ricerca, s'improvisatzioni de formas de is sonus nous, cun d'una castiada abbia de is prus significativas espressionis musicalis de àterus tempus.

Cumentzendi de su 23 de su mes''e cabudanni po dexi diris, artistas e musicistas nomenaus, natzionalis e internatzionali, ant essi impignaus in mostras, live set e performances. Duus is logus casteddaius chi ant a fai de sfundu a is eventus: su Casteddu de San Michele, chi at a aghilliri live set e is videos, e sa Facoltadi de Architetura, dedicada prusatotu a is workshop, chi ant biri sa participatzioni ativa de su púbblicu. S'eventu est aprontau de s'Assótziu TiConZero, cun su contribbutu de sa Regioni Àutonoma de sa Sardigna, de sa Provìntzia de Casteddu e de su Comunu de Casteddu.