A s'iscoberta de sa maia de su líbburu. Sighint in Tàtari is bustegas de ligimentu. "Protagonistas" is palistórias de sa bona noti

(IlMinuto) – Casteddu, 23 de su mes''e cabudanni - Ant a sighiri fintzas a su primu de su mes''e ledàminis, in Tàtari, is butegas de ligimentu po pipius aprontaus de sa libbreria Koinè e de s'assótziu Colibrì. Protagonistas de sa butega ant essi is palistórias de sa bona noti e in generali sa "vida in cameredda". Comenti si podit ligiri in d'una nota, "su ligimentu, sa maia de su líbburu, s'iscoberta de s'amori po su fueddu scritu a bortas viagiant asuba de caminus chi non funt conventzionalis: dógnia ambienti podit diventai cussu giustu po fai connosci sa cultura, s'amori po is 'fueddus de paperi'".

A pustis de su primu apuntamentu, s'eventu singulari, chi si tenit in s''area dedicada a is camereddas de "Mobilia de Ferroni" de Tàtari, at a benni torrau a fai po àteras duus cenàbaras de fill'e pari. Diris aundi is pipius, afundaus in s'ambienti chi cussu prus connotscint, tra letixeddus, giogus e ispatzius coloridus, s'ant a podi acostai a su líbburu e, impari a is animadoras de Colibrì, dd'ant a podi iscobèrriri is misterus e is abbenturs.

Po participai a is mericis, ca funt a gratis, est necessàriu prenotai lamendi a sa libbreria Koinè a is númerus 079275638 e 079276324.