Vol2.0. Presídiu nou de is traballantis de su call center. Su 14 atóbiu tra Regioni e sindacaus

(IlMinuto) – Casteddu, 10 de su mes''e cabudanni – Is óminis e is féminas de bia Montecassino torrant in istrada. Martis chi benit is 470 traballantis de su call center casteddaiu s'ant arrebbellai a fac''e su Palatzu de sa Regioni de viale Trento, candu ddoi at essi s'atóbiu tra sa Giunta regionali e is organizatzionis sindacalis, atóbiu lamau po fai craresa asuba de sa disputa apustis de sa pàusa de su stadiabi.

In sa primu cida de su mes''e austu sa Regioni Sardigna e sa Comdata, aziendha chi traballat in su cumpartu de is telecomunicàtzionis. iant difatis firmau una lítera de intentus chi previdit de pigai assumancu 350 operadoris de s'istrutura.
"A sa fin''e s'atóbiu - est nau in d'una nota - s'at a tenni un'assembrea de is traballantis po acrarai is ésitus de s'atóbiu e po chistionai de totus is cosas fattas de su sindacau in custus mesis e de cussas chi tocat a fai in su tempus benidori".