Annu de sa Biodiversidadi: cuncursu po is pipius e piciocus de sa provìntzia de Nùgoro

(IlMinuto) – Casteddu, 20 de su mes''e ledàminis - Po s'annu internatzionali de sa Biodiversidadi, s'Agentzia Laore Sardigna, cun s'agiudu de is cumitaus po is biodiversidadis, at pròmoviu unu cuncursu po is pipius de is asilus e de is iscolas elementaris, e po cussus de is iscolas medias e de is iscolas superioris de sa provìntzia de Nùgoro.

Su cuncursu tenit comenti obbietivu cussu de fai connosci e de tutelai sa biodiversidadi in totus is facis suas: animabis, vegetalis, culturalis. Po s'ocasioni is piciocus ant a presentai unu progetu de istudiu in matéria de massaria, unu progetu chi interessit su territoriu insoru.

"Is progetus - si podit ligi in d'una nota - ant a podi essi fattus impittendi diversas ténnicas de espressioni e, mellus, favorendi su scàmbiu de informatzionis tra is diversus inzénnerus". Is istudius chi ant essi presentaus ant a podi duncas previdiri puru s'interessamentu de is antzianus in calidadi de maistus de antiga connoscéntzia.

Is atividadis ant a depi essi fattas in s'annu iscolasticu 2010-2011. Po addiriri a sa cosa est necessàriu ligi su regulamentu e cumpilai s'ischeda de participatzioni.