Controcaos: in Casteddu Sardu su Festival de sa creatividadi

(IlMinuto) – Casteddu, 12 de su mes''e ledàminis - Est arribbau a sa III editzioni su Festival de sa creatividadi ControCaos, aghilliu de s'8 a su 10 de su mes''e ledàminis in Casteddu Sardu. Is líbburus, s'arti, sa música, sa danza, su teatru e, prusatotu, sa fantasia funti stetias is protagonistas de is butegas e de is diversus eventus in programma. Ocannu su príncipi esti stetiu su sonu: pipius, artistas (e chinit ndi teniat gana de ddu fai) ant "fattu su sonu" donendi vida a creatzionis miríficas puru cun s'agiudu  de sa tennologia. Unu "caos" beru, arrichiu cun mostras, cínema e atóbius cun autoris comenti Giulia Blasi e Giorgio Todde, senz''e scaresci sa música sarda e unu De Andrè torrau a interpretai a nou. Tres diris meda arricas, cussas aprontadas de is giòvanus de ControCaos, diris "aundi su pensu, s'emotzioni e su fueddu ant agatau su sonu insoru".