Traballu: isciòpiru de sa Fiom in difesa de su cuntratu natzionali. Cras delegatzioni sarda a sa manifestada de Roma

(IlMinuto) – Casteddu, 15 de su mes''e ledàminis - Fiom in isciòpiru. Oi is operàjus metalmecànicus de sa Sardigna no ant a andai a traballai po cuatru oras in dognunu de is tres turnus. "Is arrexonis de s'isciòpiru - si ligit in d'una nota sindacali - funt is próprius de sa manifestada aprontada de su sindacau de categoria natzionali in Roma custu sàbudu, a custa at a participai una delegatzioni sarda". Sa fiom cabat in pratza po difèndiri, primu de totu, su cuntratu natzionali. Tra is cosas dimandadas ddoi est puru s'aprou de una lei asuba de sa rapresentatividadi "chi impedat - acrarat su comunicau - sa pràtiga de is acórdius separaus de parti de oraganizatzionis prus piticas". S'atentzioni est totu asuba de is organizatzionis de is metalmecànicus de Cisl e Uil.