Apuntamentus: Biddaxidru oberrit is ennas a sa rassigna de artis visualis indipendentis

(IlMinuto) – Casteddu, 15 de su mes''e totussantus - At oberri is ennas sàbudu 27 de su mes''e totussantus, a is 17.00 in is aposentus de su Mólinu Cadoni de Biddaxidru, sa rassigna de artis visualis indipendentis Villa-Cine. Po tres diris, videoclip, trailer, fiction, fotografias, pinturas, música ant essi is protagonistas de s'eventu. Su progetu - si ligit in d'una nota - "tenit s'iscopu de sensibilitzai a s'opinioni púbblica asuba de is novidadis artísticas espressadas de is giòvanus de su territoriu nostru, giòvanus chi tenit talentu". Sa rassigna bollit diventai un'apuntamentu annuali chi bit sa citadina in circa de trisinai a "is amantis e a totus cussus chi si bollint cunfrontai cun is artistas chi arribbant de totu sa Sardigna in su ligiméntu insoru de su mundu ingíriu".