"Cabai is manus de is pensionis de reversibilidadi". Cumentzat de sa Sardigna s'arregorta de firmas de Spi

22 Onniasantu 2010
(IlMinuto) – Casteddu, 22 de su mes''e totussantus - Is pensionis de reversibilidadi no si tocant. Est cantu afirmat su sindacau Spi Cgil chi at cumentzau un'arregorta de firmas de presentai in Parlamentu. S'arregorta de is firmas - acrarat unu comunicau - est cumetzada de sa Sardigna (a oi funt giai 3500 is firmas) e puntàt "a s'abbolitzioni de s'artículu 1 de sa lei 335 de su 1995, chi ndi liat su caranta po centu de is pensionis de reversibilidadi". "Sa crisi e su discumbéniu sociali nou - si ligit in d'una nota fatta connosci de su sindacau de is pensionaus de sa Cgil - ant agravau is cunditzionis de vida de is pensionaus, fattus bivi tra milla arragus, cun pensionis bàscias, e chi no bastant po nudda candu, a sa morti de unu de is duus, o pobiddu o mulleri, su Stadu ndi liat una fita manna de dinai".
© RIPRODUZIONE RISERVATA
Tags