Cumetzat s'editzioni 2010 de Nues: otu diris d'eventus e mostras in nòmini de su fumetu

(IlMinuto) – Casteddu, 25 de su mes''e totussantus - Nues 2010 arribbat a tertza editzioni sua. De su primu a s'8 de su mes''e paschixèdda su festival de su fumetu de s'area mediterranea dirigu de Beppi Vigna e aprontau de s'assótziu culturali Hybris at a presentai unu programma arricu de mostras, atóbius, dibbàtidus, butegas e presentadas. At a fai de guarnícia s'istoricu cuarteri casteddaiu Marina, chi at ofèrriri tres aposentus po aparadas e atóbius: s'ex liceu Artísticu, s'Hotel Marina e su Caffè Savoia. Su festival - si ligit in d'una nota - sighit s'isfida sua, cussa de s'afidai a tiras e comics po connosci is culturas de is logus chi s'afaciant in su Mari Nostrum". A pustis de sa Grecia e de s'ex Iugoslavia, s'editzioni de ocannu ant andai difatis a s'iscoberta de su Mediu Oriienti circhendi de ndi ligi sa cumplessidadi. Una cumplessidadi chi contat su mundu de oi impitendi sa fortza de comunicai chi tenit su fumetu. Tra is personis prus importantis ddoi ant essi Uri Fink, su prus famadu fumetista israelianu, su connatzionali suu Rony Oren, autori famadu de cínema de animatzioni e su cartoonist egizianu Magdi El Shafee, s'autori de "Metro", sa primu graphic novel pubblicada in Egitu diventada impressi una bera e própria acuntéssia literària po sa "cundenna" bófia de sa censura. A s'apellu de Nues no ant a mancai unus cantu rapresentantis importantis de su fumetu italianu, tra custus is casteddaius de nàscida Igort e Otto Gabos, chi ant a presentai is últimus traballus insoru.