Ddl Gelmini. Istudiantis a Sinistra Tàtari: "Isciòpiru generali po mandai a domu a su Guvernu"

(IlMinuto) – Casteddu, 24 de su mes''e totussantus - "Sa cunfirma de is tàglius de sa 133/08, s'intrada de su 40 po centu de is privaus in is consillus de amministratzioni, sa trebea po is pagus formas de rapresentàntzia democràtica, s'intrada de su prestitu d'onori cun sa trasformatzioni de diritus in dépidus, su dispàciu de is istudiosus e s'ulteriori precarizazioni de sa ricerca". Segundu is Istudiantis de Sinistra de Tàtari funt custus is efetus de su Ddl Gelmini oi a s'esàmini de sa Camera. Sa lota contra a su provedimentu - si ligit in d'una nota - "at a dipendi de is lotas de is istudiantis de custas diris, ma sa partida at essi binta scéti candu s'at a blocai totu cun s'isciòpiru generali po mandai a domu custu Guvernu".