Festival de sa Sciéntzia: mari e biodiversidadi in su coru de sa III editzioni

(IlMinuto) – Casteddu, 4 de su mes''e - Otu diris de apuntamentus cun sa física, sa chímica, is sciéntzias naturalis e sa matemàtiga. Est custa sa proposta de su III Festival de sa Sciéntzia, in programma in s'ExMa de Casteddu de su 5 a su 12 de su mes''e totussantus. "Su fueddu prus importanti de sa terza editzioni de su festival - si ligit in d'una nota - est "Mari", tema arricu de nuus scietìficus e acapiau forti a sa citadi de Casteddu. Su mari est puru su logu aundi est nàscia sa vida e aundi, ancora oi, custa si manifestat in totus is formas suas miríficas". Aici puru Casteddu at a afestai s'Annu internatzionali de sa Biodiversidadi, lamau de s'Onu a acastiu de sa variedadi de sa vida de su pianeta. Is traballus s'ant a oberri cras a mangianu a is 11.00 cun d'una cuferéntzia de Carlo Blasi, de Cummissioni scientìfica Unesco "Man and Biosphere", asuba de su tema "Diversità biologica e sviluppo sostenibile". Su Festival Sciéntzia est aprontau de su cumitau ScienzaSocietàScienza.