Ispetàculus: Gaetano Marino in Casteddu cun "Voi Che Sapete Platone – Apologia di Socrate"

(IlMinuto) – Casteddu, 18 de su mes''e totussantus - "Voi Che Sapete Platone – Apologia di Socrate": est custu su títulu de s'ispetàculu chi Gaetano Marino at a presentai cras a su púbblicu de Casteddu. S'eventu - in programma a is 20.00 in sa saba Maria Carta de s'Ersu - bollit ammentai is medas tribbunalis postus in pei in su cursu de s'istoria po impediri a unu cerbeddu de pensai o de imparai a pensai. Un'acuntéssia sémpiri de prus atuali, chi contat comenti in s'Ateni de su 440 a.C, su tribbunali iat decretau sa cundenna a morti de Socrate garentendiddi po su beru - si ligit in d'una nota - "una fama immortali, e s'abbilesa de trasmiti s'insegnamentu suu de inzénneru in inzénneru, fintzas a oi". S'ispetàculu esti stetiu aprontau de s'Ersu, de s'Assótziu culturali Àula 39 e de su Dipartimentu de Filologia clàssica, Glottologia, Sciéntzias istoricas de s'Antighidadi e de su Medioevu de s'Universidadi de Casteddu.