Presonis: custumerì is “maniposas” de is presoneris de Bad’e Carros si frimmant in Casteddu

(IlMinuto) – Casteddu, 4 de su mes''e - Sa fantasia bobat a foras de is tressas. Custu merì is abas lebias de is "maniposas" - chi aggordant is palistórias po pipius scritas de is presoneris de s'Arta seguresa de su presoni de Badu 'e Carros – s'ant a frimmai in Casteddu, a is 17.00, in is aposentus de pratza Repubblica Libri. S'eventu, aprontau de s'assótziu Socialismo Diritti e Riforme, bollit fai connosci e avalorai su progetu de su "Centro Territoriale Permanente" de Nùgoro, cordinau de sa maista de su presoni Pasquina Ledda. In duus annus funti stetius fattus unus cantu de centinas de líbburus fattus a manu. Pensaus de Alessandro Bozza, 49 annus, cundennau a vida, is traballus funti stetius fattus cun su cuntribbutu de is presoneris Calogero Lo Bue e Antonino Alcamo. "Esti stetiu sceberau unu bistiri, cussu de is maniposas - acrarat Pasquina Ledda – po s'amori chi Bozza poniat in custas formas impitendi cartoneddu coloriu e una pariga de ferritus po pipus. Is cuíndixi 'scientis' de su cursu de sa maista ant a pustis acetau de provai a immaginai de contai palistórias a is fillexeddus insoru, nebodeddus, a is pipius connotus o scéti pensaus. In su primu tempus parriat impossíbbili, a pustis in veci s'impignu est diventau amori mannu e dognunu at donau su própriu contribbutu".