Presonis. Sdr: In Badu 'e Carros presoneri sicilianu in isciòpiru de su fàmini de unu mesi. Sa dinúntzia púbblica de sa mamma

(IlMinuto) – Casteddu, 29 de su mes''e totussantus - "Fillu miu, ergastulanu, presoneri in Badu 'e Carros, at cumentzau s'isciòpiru de su fàmini su 27 de su mes''e ledàminis po protestai contra a s'amministratzioni de su presoni poita, a pustis de 20 annus de presoni, no est ancora arrennesciu, nonostanti is medas dimandas, a otèniri unu trasferimentu chi ddi permitat de s'acostai a sa família". Cumentzat cun custus fueddus sa lítera-denuncia de sa mamma de unu presoneri catanesu de 40 annus. Sa Fèmina, no tenit sa possibbilidadi de fai unu viàgiu longu po Nùgoro e no bit su fillu de duus annus. "Po su castigamentu - si ligit in sa lítera - dd'esti stetia liada sa cella síngula chi teniat po diritu e a pustis de ai tentu una crisi esti stetiu tratau cun pagu coru, nonostanti fessit débbili po mori de no papai de meda tempus.
Seu meda in ànsia po sa saludi sua". In s'cuntéssia est intervenniu puru s'Assótziu Socialismo Diritti e Riforme.
"In bint'annus de presonia - precisat sa presidenti de Sdr Maria Grazia Caligaris - s'ómini, babbu de duas fillas e nannai de unu nebodeddu, at girau medas presonis de sa penísula senz''e mai gosai de unu permissu. In Bad'e Carros de su mes''e gennàrgiu de su 2010, in su mes''e argiolas passau, a pustis de disacórdius po otèniri sa cella a solu po motivus psichiàtricus e po otèniri unu computer po scriri at depiu pediri agiudu a su DAP dimandendi su trasferimentu in d'unu presoni 'aundi podi pigai unu camminu professionali de didàticu, aici de mi podi donai un'àtera possibbilidadi po diventai unu citadinu dignu e un'ómini meritosu de istima'".