Sa solidariedadi at perdiu: Bogaus is Giordi. Sa domu est in is manus de unu “legítimu proprietariu” senz”e coru

(IlMinuto) – Casteddu, 10 de su mes''e totussantus - Santu Juanni Sruexu. A is 12.00 de ariseu Virgilio Giordi, acumpangiau de sa mulleri Filomena Solinas, atraversat in sa carrozina s'istrada chi separat sa domu aundi biviàt e de aundi dd'ant bogau a sa domu aundi at a andai a bivi in afitu. Sa solidariedadi no at possiu fai nudda contra a s'auséntzia de coru e de làstima. Sa domu de is Giordi in bia Is Sainas – su babbu Virgilio in carrozina po mori de una guta a conca, sa mamma e sa filla senz''e traballu e su fillu prus piticu a is istudius - esti stetia difatis comporada a s'asta po mori de su dépidu fattu de s'aziendha agrìcula de família. A pabas de sa fortza de sa mobilitada de da genti - sit in de protesta in atopu de dógnia dispàciu annunciau - e bias is cunditzionis de saludi de su sennori Giordi, sa bogada furiat stetia atrassada po cuatru bortas. Su praidi de sa bidda iat cumentzau un'arregorta de dinai po permiti a su sennori Virgilio e a sa família sua de torrai a pigai sa domu.

Ma chini dd'at comporada a s'asta, po una cifra meda bàscia si castiaus a is prétzius de su mercau, no at mai tentu intentzioni de dda torrai a bendi a is Giordi. Ariseru, acumpangiau de su cummosàriu, su "legítimu proprietariu" senz''e coru nd'at pigau possessu custringendi Virgilio Giordi e Filomena Solinas – chi ant fattu resisténtzia fintzas a s'úrtimu - a lassai sa domu aundi iant biviu po 30 annus.