Teatru: oi in su Theandric su progetu "Nonviolenza Femminile Plurale"

(IlMinuto) – Casteddu, 24 de su mes''e totussantus - Custumerì, po sa "Diri internatzionali po iscabulli is violetzias contra a is fèminas", su Theandric Teatru "Nonviolento" aprontat sa manifestada "Nonviolenza Femminile Plurale": unu progetu dedicau a s'esploratzioni de su mundu de is fèminas fadendi prus atentzioni "a su contribbutu [...] chi is féminas ant donau a s'acrescimentu de sa cultura e de sa pràtiga de sa no violetzia". Atressu unu caminu de ligimentus e testimonias, sa manifestada, dirigia de Michela Lanzafame e Federica Secci, at a fai craresa asuba de is diversas formas de violéntzia subias de is féminas in culturas e sociedadis fillas de is difaréntzias de genia.

"Nonviolenza Femminile Plurale" est unu progetu fattu cun s'apógiu de s'Assessorau de sa "Pubblica Istruzione" de sa Regioni Autónoma de sa Sardigna, de s'Assessorau a is "Politiche Sociali, Famiglia e Immigrazione" de sa Provìntzia de Casteddu e de s'Assessorau a is "Politiche Siociali" de su Comunu de Casteddu. S'apuntamentu est po is 17.00 in is aposentus de bia Generale Cantore 62, in Casteddu-Pirri.