Universidadi de Casteddu, Rete 29 aprile: "Su Retori si ndi scapit de sa Crui chi promovit sa riforma Gelmini"

(IlMinuto) – Casteddu, 19 de su mes''e totussantus - "Dimandaus a su Retori de si ndi scapiai pubblicamenti de is determinus de sa Cuferéntzia de is Retoris chi spingit po s'aprou de sa 'riforma' Gelmini e chi at de pagu tempus dimandau un'iaxi de dinai po is ateneus privaus". Si concluit cun custus fueddus s'apellu fattu de is istudiosus de sa Rete 29 aprile de s'Universidadi de Casteddu, apellu mandau a su Retori Giovanni Melis po sa Diri internatzionali po su Diritu a s'istudiu. "Arremaciaus - si ligit in s'apellu - sa boluntadi nostra de sighiri in is atzioni de protesta, arrespetendi scéti is cómpitus previdius de sa lei e duncas no fadendi letzionis, fintzas a chi su disignu de lei no siat modificau diderus in sa sustàntzia".
S'astensioni de is istudiosus de s'imparamentu at a sighiri puru in su segundhu semestri cun "discumbénius chi funt pagu cosa si castiaus a s'irminorigaméntu dràsticu de calidadi e cantidadi chi si iat a depi tenni si s'oferta formativa de sa  'riforma' fessat aprovada".