Concertus: sàbudu in su Riverrun de Casteddu sa ghitarra clàssica de Cristiano Porqueddu

(IlMinuto) – Casteddu, 8 de su mes''e paschixèdda - Apuntamentu de no pèrdiri po is amantis de sa ghitarra. Sàbudu chi benit, a is 18.30 in sa sedi de su teatru Riverrun in bia Giardini in Casteddu, s'at a tenni su concertu de ghitarra clàssica de Cristiano Porqueddu, tra is prus ativus e importantis sonadoris de s'iscena internatzionali. S'artista, chi bivit e chi fait su maistu in Nùgoro, aundi tenit sa càtreda de ghitarra in s'Iscola Cívica de Música est puru diretori artísticu de s'Agustin Barrios International Guitar Competition, agiudat meda a su ghitarreri cumponidori Angelo Gilardino. Agiudu chi dd'at biu protagonista de concertus de grandu fama in is festival Europeus e americanus prus nomenaus. In su concertu de sàbudu Porqueddu at a fai branus de cumponidoris comenti Agustin Barrios Mangoré, Angelo Gilardino, Antonio Jimenez Manjon e Eduardo Garrido. S'ispetàculu est aprontau de s'Assótziu Musicali de Nùgoro.