"Global Futur": sa mirada in su mundu cumentzat de sa Sardigna

7 Mese de idas 2010
Image
global-_futur_oristano.jpg


(IlMinuto) – Casteddu, 7 de su mes''e paschixèdda - Sa mirada chi cumentzat de sa Sardigna e atobiat a su mundu. Custu est Global Futur, su Festival internatzionali de arti in programma tra Aristanis, Santu Lussurzu e Sant'Eru fintzas a sàbudu 18 de su mes''e paschixèdda. S'eventu, aprontau de s'assótziu culturali Quercus, est nàsciu po oferrit a medas de is talentus sardus e internatzionalis s'oportunidadi de s'atobiai, chistionai e si cunfrontai. Atressu de concertus, performance, installazionis, cunvegnus, fumetus, fotografias, e teatru sperimentali, Global Futur bollit promovi s'acrescimentu e s' interscàmbiu tra culturas e bollit donai visibilidadi a su territoriu in su campu turisticu-culturali. Global Futur - afirmat Diego Loi tra is babbus de Quercus - "est un'ocasioni de cunsidériu e de cunfrontu asuba de is difaréntzia e de is similitúdini tra culturas, aintru e a foras de s'Ísula nostra, in Sardigna comenti in totu su mundu". Una fibera de apuntamentus, custus, bófius po trisinai una fita manna de púbblicu e donai una mirada contemporanea a is milla facis de sa cultura.




© RIPRODUZIONE RISERVATA