Karate traditzionali: 200 atletas in Cuartu po su torneu Csen

(IlMinuto) – Casteddu, 7 de su mes''e paschixèdda - Oscuressia de tv e giornalis, s'arti marziali sighit a essi unu sport de popolaridadi meda manna. Funti stetius difatis pagu prus de 200 is atletas chi domínigu passau, in su palatzetu de su Sport de bia Beethoven in Cuartu Sant'Aleni, ant participau a su torneu sardu de Karate traditzionali de su Csen. Sa gara, aprontada de su Karate club Kanazawa de su maistu Alberto Piludu – palestra ativa in Cuartu Sant'Aleni fintzas de su 1977 - at biu sa participatzioni de medas sociedadis de sa Tramuntana e de su Meriodioni de sa Sardigna: S'Alighera, Assèmini, Lu Palau, Biddesorris, Deximu Putzu, Maracalagonis, Flumini de Cuartu, Cuartu Sant'Aleni e Casteddu. Su púbblicu meda mannu at possiu assisti a una gara meda bella po ténnica, chi at biu bessiri a pillu atletas giòvanus ma giai cun in is pabas un'esperiéntzia agonistica internatzionali.

Is arresurtaus (categoria cinturas nieddas):

Kumite (cumbatimentu) mannus: 1 Luca Matta (KcK), 2 Francesco Marongiu (Ayasa Villasor), 3 Massimo Piludu (KcK)

Kata (Formas) mannus: 1 Massimo Piludu (KcK), 2 Luca Matta (KcK), 3 Francesco Marongiu (Ayasa Villasor)

Kumite po féminas 14-17 annus: 1 Cecilia Gobbino (S'Alighera)

Kumite po óminis 14-7 annus: Alessandro Piludu (KcK)

Kata 14-17 annus po óminis e po féminas: 1 Alessandro Piludu (KcK), 2 Cecilia Gobbino (S'Alighera), Simone Cogoni (KcK)